الايجابية

دعوة لكل مواطن سوداني بحب بلدو، الموضوع كبير بس التنفيذ سهل جداً و الفكرة غاية في البساطة💡
يلا كلنا شايفين كيف الشوارع وسخانة و مليانة بالنفايات و القاذورات،
ما أعتقد إنو ده منظر بسر إنسان ولا أظن إنو ممكن تكون دي حالة لجمهورية كبيرة كالسودان😔
ونحنا في القرن الواحد وعشرين و العالم سبقنا بألف سنة ضوئية ولسسسسسه بلدنا وسخانة😕
حتقولوا الحكومة مسئولة عن النظافة وده دور البلدية و وووو ..
لأ أحب أقول ليكم ده سلوووك شخصي قبل كل شيء، و كل إنسان يقدر يشارك في الحملة دي و بإذن الله حنلاحظ الفرق قريب⏳
كل المطلوب منك لما يصلك المنشور ده توزعه على كل القروبات الأنت فيها فيس و واتساب و الفكرة كالآتي :
كل شخص يلتزم تماما مع نفسه ماااا يرمي أي شيء في الطريق العام🚯
📌بقايا الطعام.
📌قوارير المياه الغازية.
📌المناديل.
📌الأكياس.
📌الورق.
📌أعقاب السجائر.
📌كيس التمباك.
📌و كل شيء ممكن يخلي  بلدنا وسخانة..
يلا ببساطة كده أي حاجة تخلص منها احتفظ بيها لما تصل أقرب مكان مناسب ممكن ترميها فيه ( أي برميل نفاية يقابلك 🚮 )..
حتقولوا لي ماااافي، حأقول ليكم طيب شيلو معاك البيت و أرميهو في سلة النفايات حقتكم😊
حنجرب نلتزم و نصر و نتحدي، و أكيد حنقدر، و الله حنقدر و نشوف الفرق قريب و نعيش جو صحي و بيئة آمنة ..
يلا معانا كلكم يد واحدة👫و ردد جواك  شعار الحملة باستمرار و حتلقي نفسك بتنفذ بدون ما تشعر..
أناسوداني..
أنا إيجابي😉✌
مبادره من الدكتور محمد مصطفى مستشفى ارقو