تانى تاورنى الهياماهداء الى ابنوسة الجنوب بانده اوان

مصطفى ودالمامور
الخرطوم 1986

كتبت عنك
عاوز اورى الناس بفنك
وتانى تاورنى الهيام
شان عيونك
وشان عصير كاكاوى لونك
وشان جمالك والقوام
واتى  ست اجمل قوام

سويتو  فَنِّكْ

القريض
والمهجه جَنّكْ

وتاني
تَاوَرْنِي الُهيَامْ

شَانْ
عيونك ..

وشَانْ
عصير كاكاوَّيْ لونِكْ

وشَانْ
جمالك والقوام

الله يعِلَمْ
مِشْتَهِيكَّيْ

ومِشْتَهَّي
يوم إِشْتَهِيكّي

وليكيَّ
مِتْقَرْيِّفْ كلام

مِشْتَهِيكَّي
ومِشْتَهِي أبنوسة فيكي

ومشتهي
الفَدُو والزُمَامْ

ومشتهيك
في قَدْلَه زينه

الله يِعْلَمْ
يوم تجينا

تَقِدْلي
زَيّْ قَدْلَ الحَمَامْ
بي مشيك الحبه حبه
والصدير القام وهب
هي
المدافع شن تخلِّفْ

غير ما
تخَلِّفْ حطام

ما غريبه
اصْطَفِيِكَّي
و
أَنْشَدِه في الدنيا بيكيَّ

واهدي ليك
أجمل كلام
نسال الخالق يصونك
دى اللالىء الفى سنونك
يوم يبرقن فى الضلام
تجازى ياست اللالىء
السبتى فى قلبى الحطام

والكلام
اللَكْنَه فيهو

حلاتك إنتَّي
تَغَنِّي بيهو

وفي
شفايفك إبتسام
ام ملاحه..الله اداكى السماحه
واتى تدينا السقام

مخلوقه
رَوْعَه ..

لوحه بين
أبنوسْ وشمعه

شمعه
تَرقُصْ في الضلام

وجيهك
الأسمر وضاوي

نِنْ
عيونك لي شَاوِّي

يا حلات نِنَّ
الارام

أسمعيني

وهاك
قصايدي عشان تليني

لأنِّي
فيك مَكْتُول غرام

أصلِّي
مِنِّكْ ..

حِتَّه من
كَبْدِكْ ودمَّكْ

نُضْفَة
أجدادنا الكرام

بالَمَحَنَّه
مااظنو فى يوم اهلنا
عاشو جفوه وانقسام
أهديكي
فَنَّي ..

إنتي بَسْ
بي لَكْنَه غَنِّي

رَطنِّي
الصُول والمَقَاْم
المهجه عندى
بي حروفا السايله تندى
تغنى ليك فى كل عام

ليك
نَغَنِّي و إنتِ أَوْلى

بالمحنه
نعيش في دوله

دوله
حَافِيهَا الوئام

وتحيا
أجيالنا الجديده

في رَخَا
وسلام و ريده

في محبه
وإحترام

ويِسْمَعْ
العالم إذاعي

غنانا
والرَقْصَ الجماعي

ويسمع
الحان السلام

يليَّ هَلِلُّو
للبريده ..

ولحِنُّو
الغُنَا والقصيده

وشِيلُو
صفقوا للسلام

مصطفى
ودالمامور